पाँचथर । पछिल्लाे २४ घण्टामा पाँचथरमा थप ८ जनामा कोरोना संक्रमण पुष्टि भएको छ ।

आज १९ जनामा गरिएको एन्टिजेन परीक्षणमा ८ जनामा संक्रमण पुष्टि भएको हो ।

यससँगै जिल्लामा कोरोनाको तेस्रो लहर सुरु भएयता संक्रमित हुनेको संख्या १७९ पुगेको स्वास्थ्य कार्यालय पाँचथरले जनाएको छ । त्यसैगरी संक्रमित मध्ये १२३ जना निको भइसकेको र बाँकी ५६ जना होम आइसोलेसनमा रहेको पनि कार्यालयको प्रतिवेदनमा उल्लेख गरिएको छ ।