काठमाडौं । मौसम पूर्वानुमान महाशाखाले देशका चार प्रदेशका अधिकांश स्थानमा वर्षाको प्रक्षेपण गरेको छ ।

पश्चिमी वायु सक्रिय भएकाले फेरि मौसममा खराबी आएको महाशाखाको भनाइ छ ।

महाशाखाका अनुसार, पश्चिमी वायुको प्रभावले आज सुदूरपश्चिम, कर्णाली, लुम्बिनी र गण्डकी प्रदेशका धेरै स्थानमा वर्षा हुने खतरा छ । वाग्मती र प्रदेश १ का केही स्थानमा पनि हल्का वर्षा हुनसक्छ ।

मौसमविद्का अनुसार हिमाली भेगमा भने आज हिमपातको सम्भावना छ ।