चेल्सीलाई फाइनलमा पुर्याउन लुकाकुको निर्णायक गोल

साफ च्याम्पियनसिपमा इतिहास बदल्ने नेपालको लक्ष्य

चेल्सीलाई फाइनलमा पुर्याउन लुकाकुको निर्णायक गोल

नेपालवाच २०७८ माघ २७ गते १२:११

काठमाडौं । बेल्जियन स्ट्राइकर रोमेलु लुकाकुले गरेको एकमात्र गोल निर्णायक हुँदा इंग्लिस क्लब चेल्सी फिफा क्लब विश्वकप फुटबलको फाइनलमा प्रवेश गरेको छ ।
चेल्सीलाई जित दिलाउन लुकाकुले ३२ औँ मिनेटमा गरेको गोल नै निर्णायक बनेको हो ।

गएराति भएको सेमिफाइनलमा साउदी अरेबियाको अल हिलाललाई १–० गोल अन्तरले हराउँदै चेल्सी उपाधि नजिक पुगेको छ ।

उपाधिका लागि अब चेल्सीले ब्राजिलियन क्लब पाल्मिरस क्लबसँग प्रतिस्पर्धा गर्नेछ ।

पहिलो सेमिफाइनलमा इजिप्टको अल अह्लीलाई २–० गोल अन्तरले हराएर पाल्मिरस उपाधि नजिक पुगिसकेको छ ।

क्लब विश्वकपको फाइनल खेल शनिबार हुनेछ ।