काठमाडौं । सोमबारयता लगातार उकालो लागिरहेको सुनको मूल्य साताको अन्तिम दिन शुक्रबार पनि उकालो लागेको छ । नेपाल सुनचाँदी व्यवसायी महासंघका अनुसार आज  सुनको मूल्य १ सय रूपैयाँ बढेर ९४ हजार रूपैयाँमा कारोबार भइरहेको हो ।

बिहीबारको लागि छापावाल सुन तोलामा ९३ हजार नाै  सय रूपैयाँ कायम भएकाे थियो । यो साताको सोमबार एक सय रुपैयाँ, मंगलबार ५ सय रुपैयाँ, बुधबार  तीन रुपैयाँ र बिहीबार ५ सय रूपैयाँले सुनको मूल्य बढेको थियो । पाँच दिनमा सुनको मूल्य १ हजार पाँच सय रूपैयाँले बढेको छ ।

महासंघका अनुसार आज तेजावी सुनको मूल्य तोलामा ९३ हजार पाँच सय रूपैयाँमा कारोबार भइरहेको छ । बिहीबार छापावाल सुन तोलामा ९३ हजार ४ सय रूपैयाँमा कारोबार भएको थियो ।

शुक्रबार चाँदीको मूल्य स्थिर रहेको महासंघले जनाएको छ । महासंघका अनुसार आज  चाँदी बिहीबारकै मूल्य १ हजार २८० रुपैयाँमा कारोबार भईरहेको छ ।