काठमाडौं । नेकपा (एकीकृत समाजवादी) निकट युवा संघ नेपालले विवादित अमेरिकी सहयोग नियोग मिलेनियम च्यालेन्ज कर्पोरेसन (एमसिसी) विरुद्ध आगामी फागुन १ गते देशभर विरोध प्रदर्शन गर्ने भएको छ ।

सरकारले फागुन २ गते एमसिसी संसद्मा पेस गर्ने तयारी गरेसँगै त्यसको अघिल्लो दिन अर्थात फागुन १ गते आफ्नो संगठनले प्रदर्शन गर्न लागेको युवा संघ प्रचार विभाग प्रमुख सञ्जीप राईले नेपालवाचलाई जानकारी दिए ।

उनका अनुसार काठमाडौंको माइतीघरसँगै सबै जिल्लाका सदरमुकाममा प्रदर्शन गर्ने तयारी छ ।

एमसिसी खारेजी आफूहरूको माग रहेको प्रचार विभाग प्रमुख राईले बताए ।

सत्ता साझेदार दल एकीकृत समाजवादीका अध्यक्ष मात्रधवकुमार नेपालले बिहीबार मात्र प्रधानमन्त्री शेरबहादुर देउवालाई भेटेर एमसिसीमा राष्ट्रघाती प्रावधान रहेकाले त्यसको संशोधनविना तस्ताको तस्तै पारित गर्नु नहुने अडान राखेका थिए ।