काठमाडौं । साताको पहिलो दिन नेप्से उच्च अंकले घटेको छ । नेपाल स्टक एक्सेञ्ज(नेप्से) का अनुसार आज नेप्से १०१.२४ अंकले घटेर २७००.३२ विन्दुमा पुगेको छ ।

नेप्सेका अनुसार आज २२७ कम्पनीका एक करोड १६ लाख ६१ हजार ६३९ कित्ता सेयर खरिदबिक्री हुँदा ५ अर्ब ९७ करोड ७२ लाख १४ हजार ७३१ रुपैयाँ बराबरको कारोबार भएको छ ।

आज कारोबारमा आएका १३ उपसमुह रताम्मे भएको छ । अर्थात आज सबै उपसमूहको सेयरमूल्य घटेको छ ।

आज सबैभन्दा बढी हाइड्रोपावरको सेयर मूल्य ५.४७ प्रतिशतले घटेको छ । त्यसपछि इन्भेष्टमेन्टको ५.०३ प्रतिशतले सेयर मूल्य घटेको छ ।

विकास बैंकको ४.२३, फाइनान्सको ४.६५, नीर्जीवन बीमाको ४.२७, म्यानुफ्याक्चरिङ एण्ड प्रशोधनको ४.६१ प्रतिशतले सेयर मूल्य घटेको छ ।
आज बैंकिङ र ट्रेडिङको सेयरमूल्य क्रमश  २.३९ र २.३६ प्रतिशतले घटेको छ ।

त्यस्तै होटल एण्ड टुरिजम, अन्य, माइक्रोफाइनान्स र जीवन बीमा कम्पनीको सेयर मूल्य क्रमश  ३.४९, ३.१७, ३.४९ र ३.९१ प्रतिशतले घटेको छ ।