NepalWatch

News Portal For Eeverything In Nepal from Nepal

२०८१ असार ३ गते
२०८१ असार ३ गते

सर्वोच्चको आदेशसँगै प्राधिकरणमा अर्को तनाव

काठमाडौं । सर्वोच्च अदालतले नागरिक उड्डयन प्राधिकरणका पूर्वमहानिर्देशक राजकुमार क्षेत्रीलाई अवकाशबाट नहटाउन आदेश दिएसँगै प्राधिकरणमा अर्को तनाव सिर्जना भएको छ ।

अदालतले आइतबार क्षेत्रीको पक्षमा अल्पकालीन अन्तरिम आदेश जारी गरेसँगै आज उनी उक्त पत्र बोकेर महानिर्देशकको रूपमा हाजिरी गर्न पुगे । तर, प्राधिकरणकै केही वकिलले सर्वोच्चको आदेशलाई थप व्याख्या गर्नुपर्नेबारे क्षेत्रीलाई बताए ।

नेपालवाचसँगको कुराकानीमा क्षेत्रीले उक्त आदेश अस्पष्ट भएको हुँदा आज हाजिर गर्न नपाएको बताए । यसका लागि वकिलहरूसँग थप कानूनी परामर्शमा जुटिरहेको उनको भनाइ छ । थप छलफलका लागि दुवै पक्षलाई अदालतले आगामी फागुन ९ गते बोेलाएको छ । त्यसपछि निर्णय आफ्नै पक्षमा हुनेमा क्षेत्री विश्वस्त छन् । ‘अदालतको निर्णय त सबैले मान्नै पर्छ,’ उनले भने, ‘सायद ९ गतेसम्म यो विषय छिटै छिनोफानो हुन्छ ।’

५८ वर्षे उमेहदका कारण सेवानिवृत्त भएका क्षेत्रीले पूरा कार्यकाल बिताउन पाउनपर्ने माग राख्दै सर्वोच्चमाा रिट हालेका थिए । सोही रिटमाथि अदालतले अल्पकालीन अन्तरिम आदेश जारी गरेको हो ।

सोही आदेश लिएर क्षेत्री केही समयअघि कार्यालय प्रवेश गर्न खोज्दा पनि कर्मचारी युनियनले कार्यकक्षमै ताला लगाएको थियो । त्यसको केही दिनमै मन्त्रिपरिषद्ले प्रदीप अधिकारीलाई महानिर्देशक पदमा नियुक्त गरेको थियो ।

आइतबार अदालतले फेरी क्षेत्रीलाई महानिर्देशकबाट नहटाउन आदेश जारी गरेपछि प्राधिकरणमा अर्को तनाव सुरु भएको हो ।

 

ताजा अपडेट

नेपालवाच विशेष