काठमाडौं । राष्ट्रिय सहकारी बैंकले फागुन महिनाको लागि नयाँ ब्याजदर सार्वजनिक गरेको छ ।

बैंकले प्रकाशित गरेको सूचना अनुसार बचत खातामा ४.५० देखि ८.५० प्रतिशतसम्म ब्याजदर रहेको छ । यस्तै मुद्दती निक्षेपमा बैंकले १०.७५ देखि १३.५० प्रतिशतसम्म ब्याजदर तोकेको छ । बैंकले हाल ८ प्रकारका मुद्दती खाता सञ्चालनमा ल्याएको छ ।

कर्जातर्फ बैंकले ९ देखि १२ प्रतिशतसम्म ब्याज लिने छ । बैंकले हाल विभिन्न २२ प्रकारका कर्जा दिने गरेको छ ।