काठमाडाैं । साताको अन्तिम कारोबार दिन बिहीबार नेप्से परिसूचक झिनो अंकले घटेको छ । नेपाल स्टक एक्सेञ्ज (नेप्से) का अनुसार आज नेप्से १.९४ अंकले घटेर २७३२.५१ विन्दुमा पुगेर कारोबार बन्द भएको हो ।

बुधबार नेप्से १९.८४ अंकले घटेर २७३४.४४ बिन्दुमा पुगेर कारोबार बन्द भएको थियो। बिहीबार सेन्सेटिभ इन्डेक्स ०.०२ अंकले घटेर भएर ५१८.६४ बिन्दुमा पुगेको छ । आज नेप्से परिसूचक घटेसँगै कारोबार रकममा पनि गिरावट आएको छ ।

बिहीबार २२७ कम्पनीको ४० लाख १७ हजार ४२९ कित्ता सेयर खरिद बिक्री हुँदा दुइ अर्ब २७ करोड ८१ लाख ७३ हजार ६६० रूपैयाँ बराबरको कारोबार भएको छ । यस दिन कारोबारमा आएका १३ उपसमूको ५ कम्पनीबाहेक सबैको सेयरमूल्य घटेको छ ।

आज व्यापार, जलविद्युत, उत्पादन तथा प्रशोधन, अन्य र म्युचुअल फण्ड उपसमूहको परिसूचक बढेका छन् भने बाँकीको सूचक घटेका छन्।आज सबैभन्दा बढी ट्रडिङको सेयरमूल्य ०.४३ प्रतिशतले घटेको छ ।