काठमाडाैं । पछिल्लो २४ घण्टामा देशभर पाँच सय ७० जनामा कोरोना संक्रमण पुष्टि भएको छ । आज पीसीआर परीक्षणबाट ३६४ जना र एन्टिजेन परीक्षणबाट २०६ जनामा कोरोना पुष्टि भएको हो ।

यससँगै नेपालमा कोरोना संक्रमितको कुल संख्या पीसीआर परीक्षण मात्रै नौ लाख ७४ हजार ८५७ जना पुगेको छ । पछिल्लो २४ घण्टामा थप ६ जनाले कोरानाका कारण ज्यान गुमाएका छन् । यससँगै नेपालमा हालसम्म कोरोनाबाट ज्यान गुमाउनेको संख्या ११ हजार ९११ जना पुगेको छ ।

आज थप एक हजार ९९३ जना निको भएसँगै देशभर कोरोनाबाट निको हुनेको संख्या नौ लाख ४६ हजार ३३० जना पुगेको छ । नेपालमा हाल सक्रिय संक्रमितको संख्या १६ हजार ६१६ जना रहेका छन् । जसमध्ये १०९ जना क्वारेन्टिनमा छन् ।