काठमाडौं । बेलायतका उद्यमी, युट्युब स्टार जमल एड्वर्डस्को निधन भएको छ ।

बिबिसीले उनको कम्पनीलाई उद्धृत गर्दै ३१ वर्षको उमेरमा जमलको निधन भएको जनाएको छ ।

एडवर्डस एसबी टिभीका फाउन्डर हुन् । यो टेलिभिजन शहरको संगीत मञ्चका रूपमा स्थापित थियो । जसले एड शिरनजस्ता कलाकार जन्माउनुको साथै विभिन्न चर्चित कार्यक्रम दिएको थियो ।

उनको निधनप्रति विभिन्न व्यक्तिहरूले दुःख व्यक्त गरेका छन् । र्यापर लेडी लेशरले उनको निधनको समाचारले आफ्नो मुटु छियाछिया बनेको लेखेकी छन् ।