काठमाडौं । अस्ट्रेलियाले आफ्नो अन्तर्राष्ट्रिय सिमाना विदेशी पर्यटकका निम्ति खुला गरेको छ ।

कोभिड–१९ महामारीलगत्तै त्यससँग जोगिन सीमा बन्द गराएको अस्ट्रेलियाले दुई वर्षपछि यसलाई खुला गर्ने निर्णय लिएको हो ।

योसँगै विदेशी पर्यटकले पनि अब अस्ट्रेलिया घुमघामका लागि निर्वाध प्रवेश पाउने भएका छन् ।

सीमा खुला भएपछि परिवारबीच पुनर्मिलनको अवसर समेत जुटेको छ । सन् २०२० को मार्चामा अस्ट्रेलियाले सीमा बन्द गरेपछि कैयन् परिवारका आफन्त भेटघाट गर्न पाएका थिएनन् ।
अस्ट्रेलियाको यस्तो निर्णयसँगै सिड्नीलगायत विमानस्थलमा भावुक दृष्यहरू देखिएको बिबिसीले लेखेको छ ।