काठमाडौं । ओमानमा जारी टि–विश्वकप छनोटमा नेपालकाे समूह विजेता बन्दै फाइनल प्रवेशका लागि युएईसँग खेल्ने पक्का भएको छ । अर्को समूहमा युएई उपविजेता र नेपाल अर्को समूहबाट विजेता बन्ने टुंगो लागेसँगै नेपालकाे सेमिफाइनल समीकरण पूरा भएको हो ।

क्यानडाले नेपाललाई फराकिलो अन्तरले हराउनुपर्ने भए पनि क्यानडा हार्ने निश्चित भएपछि तीन खेलमा शतप्रतिशत जित निकाल्दै नेपाल सेमिफाइनल पुग्ने पक्का भएको हो ।

अब सेमिफाइनलमा विजेता बनेको नेपाल र अर्को समूहबाट उपविजेता बनेको युएई भिड्नेछन् । अर्को सेमिफाइनमा आयरल्याण्ड र ओमान भिड्नेछन् । दुवै सेमिफाइनका फाइनलिष्ट टि २० विश्वकपका लागि छानिनेछन् ।

क्यानडालाई सस्तोमा रोक्न सन्दीप लामिछानेले तीन, कमल ऐरी र अविनाश बोहोराले समान २/२ विकेट लिएका थिए ।