बर्खास्त हुँदै सशस्त्रका एक इन्स्पेक्टर
काठमाडौं । आचरणविपरीतको कार्य गरेपछि सशस्त्र प्रहरी बलका एक प्रहरी निरीक्षक (इन्स्पेक्टर)लाई सरकारले बर्खास्तको तयारी गरेको छ ।
प्राविधिक सशस्त्र प्रहरी निरीक्षक ई. प्रवीण प्रधानांग बिनाजानकारी जिम्मेवारी छाडेर सम्पर्कविहीन भएपछि गृह मन्त्रालयले उनीमाथि कारबाहीको तयारी गरेको हो ।
प्रधानांगको कार्य तथा सीमा सुरक्षा विभागमा पोस्टिङ थियो । गृह मन्त्रालयका अनुसार, उनी गत पुस ९ गतेदेखि बिदा स्वीकृतबेगर अनुपस्थित छन् ।
सम्पर्क स्थापितका लागि पटक–पटकको प्रयास विफल भएपछि उनलाई सफाइ पेश गर्ने अन्तिम मौका दिएको र चित्त बुझ्दो जवाफ नआएमा सशस्त्रको नियमावलीअनुसार बर्खास्त गरिने गृह मन्त्रालयले जनाएको छ ।
सशस्त्र प्रहरी नियमावली, २०७२ को नियम ११३ को उपनियम (१) को खण्ड (ज) मा बिदा स्वीकृत नगराइ लगातार १५ दिनसम्म आफ्नो कार्यालयमा अनुपस्थित रहेमा प्रक्रिया पुर्याएर बर्खास्त गर्न सकिने प्रावधान छ ।
ताजा अपडेट
-
परीक्षा दिएर आँउदै गरेकी विद्यार्थीमाथि आक्रमण
-
एक लाख बीमितको कार्ड जारी गर्दै काठमाडौँ महानगर
-
मुग्लिन-पोखरा सडकको पूर्वी खण्डमा १३ पुल निर्माण
-
गर्मी बढेपछि बालबालिकामा सङ्क्रामक रोगको समस्या बढ्यो
-
ग्लोबल आइएमईको प्लास्टिक खपत न्यूनीकरणमा प्रतिबद्धता, प्लास्टिकको खपत कम गरिने
प्रतिक्रिया