काठमाडौं । बृषेशचन्द्र लाल लोकतान्त्रिक समाजवादी पार्टी (लोसपा) परित्यास गरी तराई मधेस लोकतान्त्रिक पार्टी (तमलोपा)मा प्रवेश गरेका छन् ।

आज जनकपुरमा पत्रकार सम्मेलन गर्दै उनले लोसपा परित्याग गर्दै तमलोपामा समाहित भएको घोषणा गरेका छन् ।

लालसँगै र नेता डा. विजयकुमार सिंहलगायत नेता–कार्यकर्ता तमलोपा प्रवेश गरेका हुन् ।

लाल लोसपाका कार्यकारी सदस्य थिए । साथै, उनी राष्ट्रियसभाका पूर्वसदस्य पनि हुन् ।

अध्यक्ष महन्थ ठाकुरले उपेन्द्र यादवसँग पार्टी एकीकरण गरेपछि शिवशंकर लाल कर्णले तमसोमाकाे अस्तित्व बचाएर राखेका थिए । अहिले उनै कर्ण अध्यक्ष छन् ।