काठमाडौं । लगातार विकेट गुमाउने क्रममा ओमानले नेपालविरुद्ध तेस्रो विकेट पनि गुमाएको छ । टस हारेर पहिले फिल्डिङको निम्तो पाएको नेपालले ओमानविरुद्ध सुरुवाती सफलता हात पारेलगत्तै दोस्रो विकेट पनि लिएको थियो ।

पहिलो ओभरको दोस्रो बलमा जतिन्दर सिंह २ रनको स्थितिमा रनआउट हुन पुगे । लगत्तैको ओभरमा सोएब खानलाई कमलसिंह ऐरीले सन्दीप लामिछानेबाट क्याचआउट गराए ।

४.४ ओभरमा कश्यप प्रजापतिलाई अविनाश बोहोराले सन्दीपबाटै क्याचआउट गराए ।

विश्वकपमा युएईसँग पराजित भएपछि नेपालले ओमानसँग तेस्रो स्थानमा लागि खेलेको हो ।

समूह चरणमा पनि नेपालले ओमानलाई ३९ रनले पराजित गरेको थियो ।