सकारात्मक भए पनि निर्णायक भएन कांग्रेस र एमालेबीचको दोस्रो वार्ता
काठमाडौं । बालुवाटारमा आज दोस्रोपटक भएको सत्तारुढ कांग्रेस र प्रतिपक्षी एमालेबीचको छलफल टुंगिएको छ ।
एमसिसी पारित गराउने सहमति जुटाउनेगरी निर्णय वार्ता भएको भए पनि दुवै पार्टीका नेताहरु निष्कर्षमा पुग्न सकेनन् ।
यद्यपि, छलफल सकारात्मक ढंगले टुंगिएको सरकारका प्रवक्तासमेत रहेका सञ्चारमन्त्री ज्ञानेन्द्रबहादुर कार्कीले जानकारी दिए । वार्तामा प्रधानमन्त्री शेरबहादुर देउवाले एमसिसी पारित गर्न सघाउन आग्रह गरेका थिए ।
त्यसको जवाफमा एमाले अध्यक्ष केपी शर्मा ओलीले आफूहरुले राखेका माग सम्बोधन गरिदिन आग्रह गरेका थिए ।
तथापि, एमसिसी पारित गर्ने र संसद्लाई प्रभावकारी बनाउने विषयमा निरन्तर छलफल गर्ने सहमति भएको मन्त्री कार्कीको भनाइ छ ।
वार्तामा एमालेका अध्यक्ष ओलीसहित वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल र नेता नेम्वाङ समभागी थिए ।
कांग्रेसको तर्फबाट सभापतिसमेत रहेका प्रधानमन्त्री देउवासँगै उपसभापति पूर्णबहादुर खड्का, महामन्त्री गगन थापा र सञ्चारमन्त्री कार्की थिए ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया