काठमाडाैं । साताको पहिलो दिन आइतबार सुनको मूल्य तोलामा एक हजार चार सय रूपैयाँ घटेको नेपाल सुनचाँदी व्यवसायी महासंघले जनाएको छ ।

महासंघका अनुसार आज सुनको मूल्य तोलामा ९६ हजार ६ सय रूपैयाँमा कारोबार भइरहेको छ । गत शुक्रबार छापावाल सुन तोलामा एक हजार रूपैयाँ घटेर ९८ हजार रूपैयाँमा कारोबार भएको थियो ।

त्यस्तै गत शुक्रबार तोलामा ९७ हजार पाँच सय रूपैयाँ कायम गरिएको तेजावी सुन आजको लागि ९६ हजार एक सय रूपैयाँ तोकिएको छ ।

आज चाँदीको मूल्यमा पनि गिरावट आएको छ । आज चाँदी तोलामा ४० रूपैयाँ घटेर एक हजार २९५ रूपैयाँमा कारोबार भइरहेको हो । गत शुक्रबार चाँदी तोलामा २० रूपैयाँ घटेर एक हजार ३३५ रूपैयाँमा कारोबार भएको थियो ।