दक्षिण कोरियामा एकैदिन १ लाख ३९ हजार कोरोना संक्रमित

अस्ट्रेलियामा लाखौँ कामदारको तलब बढ्ने, न्यूनतम ज्यालामा करिब ६ प्रतिशत वृद्धि

दक्षिण कोरियामा एकैदिन १ लाख ३९ हजार कोरोना संक्रमित

रासस २०७८ फागुन १६ गते १४:१८

सिन्ह्वा । दक्षिण कोरियामा एकै दिनमा १ लाख ३९ हजार जना कोरोना भाइरसका संक्रमित भेटिएका छन् । आइतबार मध्यराति सम्म ती संक्रमित पाइएको बताइएको छ । तर पनि अघिल्लो दिनको तुलनामा भने यी संक्रमितको संख्या घटेको हो ।

यहाँ गत शनिबार १ लाख ६३ हजार जना संक्रमित पाइएका थिए ।

यहाँ अहिलेसम्म ३१ लाखभन्दा बढी संक्रमित पाइएका छन् । सुरुका पहिलो र दोस्रो लहरमा संक्रमित नबढेको यहाँ पछिल्लो अर्थात् तेस्रो लहरमा भने प्रतिदिन बढ्दै गएको पाइएको छ ।

यहाँ ओमिक्रोन भाइरसको संक्रमण निकै तीव्र गतिमा बढेको पाइएको हो । तर पछिल्ला केही दिनमा भने सो संक्रमण दर घट्दै गएको बताइएको छ ।