NepalWatch

News Portal For Eeverything In Nepal from Nepal

२०८१ जेठ ८ गते

स्वास्थ्य मन्त्रालयद्वारा वैद्य निरीक्षक बर्खास्त

काठमाडौं । स्वास्थ्य तथा जनसंख्या मन्त्रालयले छैटौं तहका एक वैद्य निरीक्षकलाई बर्खास्त गरेको छ ।

जिल्ला आयुर्वेद स्वास्थ्य केन्द्र, धादिङका वैद्य निरीक्षक शोभा दुवाडीलाई मन्त्रालयले सेवाबाट हटाएको हो ।

पदीय आचरणविरुद्ध कार्य गरेको भन्दै दुवाडीविरुद्ध लोक सेवा आयोगमा उजुरी परेको थियो । त्यसपछि आयोगले यसबारे अनुसन्धान गरेको थियो । छानबिनको निष्कर्षमा आयोगले भविष्यमा स्वास्थ्य सेवाका निम्ति अयोग्य ठहरिने गरी बर्खास्त गर्न भनेको थियो । त्यहीअनुरूप उनलाई सेवाबाट बर्खास्त गरिएको स्वास्थ्य तथा जनसंख्या मन्त्रालयले जनाएको छ ।

ताजा अपडेट

नेपालवाच विशेष