काठमाडौं । कांग्रेस केन्द्रीय सदस्य एवं राष्ट्रिय योजना आयोगका पूर्व उपाध्यक्ष डा. गोविन्द पोखरेलले एमसिसी परियोजनाका विषयमा पार्टी पंक्तिलाई जानकारी गराउने भएका छन् ।

गत संसदबाट पारित भएको अमेरिकी आर्थिक सहयोग परियोजनाका बारेमा पोखरेलले ललितपुरको पार्टी पंक्तिलाई जानकारी गराउने भएका हुन् । यसका लागि आगामी २२ फागुन आइतबार ललितपुरमा अन्तरक्रिया कार्यक्रम राखिएको छ ।

कार्यक्रममा क्षेत्रीय कार्यसमिति, प्रदेश कार्यसमिति, पालिका कार्यसमिति र वडा कार्यसमितिका पदाधिकारीहरूलाई अनिवार्य उपस्थितिको लागि आमन्त्रण गरिएको छ ।

जिल्ला कार्यसमितिले आयोजना गरेको कार्यक्रम आगामी आइतबार वेरी ब्याङ्क्वेट सातदोबाटोमा राखिएको छ ।
कांग्रेस केन्द्रले यस अघि नै एमसिसीबारे पार्टीको तल्लो तहसम्म नै जानकारी गराउने निर्णय गरेको थियो ।