काठमाडाैं । साताको अन्तिम दिन शुक्रबार सुनको मूल्यले यो वर्षकै उच्च मूल्य रेर्कड कायम गरेको छ । आज सुनको मूल्य तोलामा ९ सय रूपैयाँ बढेर ९९ हजार ९ सय रूपैयाँमा कारोबार भइरहेको हो ।

यस भन्दा अगाडि बुधबार सुनको मूल्यमा १९ सय वृद्धि भएर प्रतितोला ९९ हजार पाँच सय पुगेको हो ।  २०७७ भदौ ३ मा सुनको मूल्य सबैभन्दा उच्च मूल्यमा पुगेको थियो । त्यतिखेर एक लाख चार सय रुपैयाँ प्रतितोला पुगेको थियो ।

बिहीबार छापावाल सुन तोलामा पाँच सय रूपैयाँ घटेर ९९ हजार रूपैयाँमा कारोबार भएको थियो । त्यस्तै शुक्रबार तेजावी सुनको मूल्य तोलामा ९९ हजार चार सय रूपैयाँ कायम गरिएको छ ।

शुक्रबार चाँदीको मूल्य भने स्थिर छ । महासंघका अनुसार आज चाँदी बिहीबारकै मूल्य अर्थात एक हजार ३८० रूपैयाँमा कारोबार भइरहेको हो ।