काठमाडाैं । सुनको मूल्य निरन्तर उकालो लाग्ने क्रममा छ । केही दिनदेखि उच्च मूल्यमा बढ्दै आएको सुनको मूल्य आज पनि नयाँ रेकर्ड कायम भएको छ ।

आज सुनको मूल्य तोलामा एक हजार एक सय रूपैयाँ बढेर एक लाख ३ हजार रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । महासंघका अनुसार आइतबार छापावाल सुन तोलामा २ हजार बढेर एक लाख एक हजार ९ सय रूपैयाँमा कारोबार भएको थियो।

गत शुक्रबार सुनको मूल्य नौ सय रूपैयाँ बढेर ९९ हजार ९ सय रूपैयाँमा कारोबार भएको थियो । यसभन्दा अगाडि २०७७ भदौ ३ मा सुनको मूल्य सबैभन्दा उच्च मूल्यमा पुगेको थियो । त्यतिखेर एक लाख चार सय रुपैयाँ प्रतितोला पुगेको थियो ।

त्यस्तै आज तेजावी सुन प्रतितोला एक लाख १ हजार पाँच सय रूपैयाँमा कारोबार भइरहेको छ । आइतबार तेजावी सुन प्रतितोला एक लाख एक हजार चार सय रूपैयाँमा कारोबार भएको थियो ।

आइतबार चाँदीको मूल्य तोलामा १५ रूपैयाँ बढेको छ । महासंघका अनुसार आज चाँदी तोलामा एक हजार चार सय २५ रूपैयाँमा कारोबार भएको हो । आइतबार चाँदी प्रतितोलामा एक हजार ४१५ रूपैयाँमा कारोबार भइरहेको हो ।