काठमाडौं । नायिका पूजा शर्माले नयाँ प्रेमीको नाम सार्वजनिक गरेकी छिन् । पूजाले सामाजिक सञ्जालमार्फत प्रेमी सार्वजनिक गरेकी हुन् ।

पूजाले फेसबुकमा एउटा तस्बिर पोस्ट गर्दै अंग्रेजीमा लेखेकी छिन्, ‘यु आर दि !’ उक्त तस्बिरमा उनले लभको सिग्नलसमेत राखेकी छिन् ।

तस्बिरमा पूजासँगै एकजना गोरो वर्णका युवक छन् । उनी हुन् हेटौंडा निवासी व्यवसायी युद्ध बानियाँ ।

युद्धको फिटनेससँग सम्वन्धित सामान बिक्री गर्ने बटरबक्स नेपाल नामको कम्पनी छ ।

युद्ध फिटनेस र मोडलिङमा उत्तिकै रुचि राख्ने गरेको बताइएको छ । यसर्थ, उनी मोडलको रूपमा पनि यदाकदा देखिने गरेका छन् ।

पूजाको नाम अहिले हिरासतमा रहेका पल शाहसँग पनि जोडियो । तर, उनीहरू मिल्ने साथीमात्रै रहेको पूजा आफैँले बताउने गरेकी छिन् ।

पूजा पललाई भेट्न यसैहप्ता तनहुँसमेत गएकी थिइन् । अहिले पल र पूजा अभिनित चलचित्र ‘म यस्तो गीत गाउँछु २’ लागिरहेको छ । पूजा यो चलचित्रकी निर्मातासमेत हुन् ।

यसैगरी, पूजाको नाम अभिनेता आकाश श्रेष्ठसँग पनि जोडियो । तर, दुवैले यसलाई अस्वीकार गर्दै आएका थिए । अन्त्यमा सो हल्लालाई गलत सावित उनले नयाँ प्रेमी सार्वजनिक गरिसकेकी छिन् ।

पल प्रकरण : पूजा पनि अनुसन्धानमा तानिन सक्ने