काठमाडाैं । नायक पल शाह फिल्म ‘२ नम्बरी’ बाट हट्ने भएका छन् । एक नाबालिग गायिकालाई बलात्कार गरेको अभियोगमा हिरासतमा रहेका नायक शाहलाई उक्त फिल्मबाट निर्माण टिमले हटाउने भएका हुन् ।

फिल्मका निर्देशक दीपेन्द्र लामाका अनुसार फिल्ममा पल शाहको ठाउँमा अर्को कलाकार लिएर काम गर्ने तयारी गरेको छ । नायक शाहलाई हटाउने निर्णय भने भइनसकेको निर्माण पक्षले जानकारी दिएका छन् । निमार्ण पक्षले नायक शाहको ठाउँमा अर्का कलाकार राखेर काम सुरू भने गर्ने तयारी गरेको छ ।

पहिलो चरणको कोरोना महामारीको कारण रोकिएको फिल्मको छायांकन बल्ल अहिले सुरु हुन लागेको हो । फिल्मको १ चैत्रबाट छायांकन सुरु हुने तयारीमा रहेको जनाएको छ ।