काठमाडाैं । यो साता उच्च मुल्यका साथ बढेको सुनको मूल्य साताको अन्तिम दिन पनि बढेको छ । आज सुनको मुल्य तोलामा ६ सय रूपैयाँ बढेर एक लाख २ हजार ६ सय रूपैयाँमा कारोबार भइरहेको हो ।

नेपाल सुनचाँदी व्यवसायी महासंघका अनुसार बिहीबार छापावाल सुन तोलामा तीन हजार पाँच सय रूपैयाँ घटेर एक लाख २ हजार रूपैयाँमा कारोबार भएको थियो ।

महासंघका अनुसार बुधबार छापावाल सुन तोलामा २ हजार ५ सय रूपैयाँ बढेर एक लाख पाँच हजार पाँच सय रूपैयाँमा कारोबार भएको थियो । जुन हालसम्मकै उच्च मूल्य थियो ।

मंगलबार भने सुनको मूल्य स्थिर थियो । सोमबार सुनको मूल्य तोलामा एक हजार एक सय रूपैयाँ बढेर एक लाख ३ हजार रूपैयाँमा कारोबार भएको थियो । त्यसभन्दा अघि आइतबार छापावाल सुन तोलामा २ हजार बढेर एक लाख एक हजार ९ सय रूपैयाँमा कारोबार भएको थियो ।

त्यस्तै बिहीबारको लागि एक लाख एक हजार पाँच सय रूपैयाँ कायम गरिएको तेजावी सुनको मूल्य आजको लागि एक लाख २ हजार एक सय रूपैयाँ तोकिएको छ ।

आज चाँदीको मूल्य तोलामा १० रूपैयाँ घटेको छ । महासंघका अनुसार बिहीबार तोलामा ४५ रूपैयाँ घटेर एक हजार ४०५ रूपैयाँमा कारोबार भएको चाँदी आज एक हजार ४१५ रूपैयाँमा कारोबार भइरहेको हो ।