काठमाडौं । यस अघिका तीनवटा अभ्यास खेल जितेको नेपाली टिमले चौथो खेलमा भने श्रीलंकामा पराजय बेहोरेको छ । शुक्रबार फरकफरक टिम र अन्तर्राष्ट्रिय खेल खेलिसकेका खेलाडी सम्मिलित टिमसँग नेपाली टोली ९२ रनले पराजित भएको हो । २३३ रनको लक्ष्य पछ्याएको नेपाली टोलीले १४० रनमै समेटिएको हो ।

युएईमा एक दिवसीय सिरिज खेल्न जानु अघिको अभ्यास खेलका लागि नेपाली टोली श्रीलंकामा छ ।

श्रीलंकन टोलीले ४८.२ ओभरमा २३२ रन बनाएको थियो । तर नेपाली टिमको लागि ब्याटिङमा खेलाडी नजम्दा टिम पराजित हुन पुग्यो ।

नेपालका लागि ज्ञानेन्द्र मल्लले सर्वाधिक ४६ रन बनाए । कुशल भुर्तेतलले ३२ रन बनाउँदा रोहित पौडेलले २१ रन बनाए ।
श्रीलंकन टिमका लागि असिस्था फर्नाण्डोले ५६ र सन्दुन विरकोडीले ४९ रन बनाए ।