कांग्रेसमा ७७ वटै जिल्लामा एकसाथ सुरु हुँदै चुनावी अभियान

काठमाडौं । कांग्रेसले आजबाट ७७ वटै जिल्लामा एक महिने चुनावी अभियान सुरु गर्दैछ । आजबाट चैत २९ सम्म कांग्रेसले स्थानीय तहको निर्वाचन आफ्नो पक्षमा पार्ने तयारी स्वरुप अभियान गर्न लागेको हो ।
कांग्रेसले यसपटकको अभियानलाई घरघर जाऔं, कांग्रेस जिताऔं नाम दिएको छ । जुन कार्यक्रम अनुसार प्रदेशदेखि टोलसम्म नेता कार्यकर्ता पुगेर पार्टीका पक्षमा माहोल बनाउने कांग्रेसको भनाई छ ।
दिउसो १ बजे सभापति शेरबहादुर देउवाले केन्द्रबाट यो कार्यक्रमको सुरुवात गर्ने जानकारी प्रवक्ता डा. प्रकाशशरण महतले दिए ।
कांग्रेसले केन्द्रीय प्रतिनिधि, प्रदेश, जिल्ला, क्षेत्रीय समिति, प्रदेश क्षेत्र, पालिका, वडा र टोलसम्मकै कार्यसमितिहरूलाई जिम्मेवारी दिएरै अभियानमा उतार्ने भएको छ ।
यसका लागि कांग्रेसले घोषित रुपमा कार्यक्रम घोषणा गरेर जनताको घरदैलोसम्मै पुग्ने रणनीति लिएको प्रवक्ता महत बताउँछन् ।
अभियान अन्तर्गत अघिल्लो सरकारले गरेका गलत कदमको भण्डाफोर, कांग्रेस सरकारले गरेका प्रभावकारी कामको प्रचार, स्थानीय तहको निर्वाचनमा कांग्रेसलाई जिताउनुपर्ने आधार, एमसिसीबारे सकारात्मक पक्ष बुझाउनेसहितका कार्यक्रम समेटेको छ ।
पार्टीले केन्द्रीय नेतालाई केन्द्रीय प्रतिनिधि बनाएर जिल्ला जिल्ला खटाएको हो । जिल्लाबाट आउँदा उनीहरूले प्रतिवेदनसमेत बुझाउनुपर्नेछ ।
ताजा अपडेट
-
अदालतको आदेशलगत्तै रवि पक्राउ, भैरहवा लगियो
-
विशेष अदालतको फैसलामाथि अख्तियारले दियो सर्वोच्चमा पुनरावेदन
-
भारतीय प्रधानमन्त्रीसँग राम्रो कुराकानी भयो : प्रधानमन्त्री ओली
-
घुस लिएको आरोपमा मालपोत कार्यालय जलेश्वरका नायब सुब्बासहित ३ जनामाथि आरोपपत्र दायर
-
नेपाल लाइफ ‘बेस्ट लाइफ इन्स्योरेन्स’ अवार्डबाट सम्मानित
प्रतिक्रिया