काठमाडौं । राष्ट्रिय प्रजातन्त्र पार्टी (राप्रपा)का प्रवक्ता ज्ञानेन्द्र शाहीले आफू ढुङ्गा नहानी, सडकमा टायर नबाली र हत्या–हिंसा नगरी समाजसेवामार्फत राजनीतिमा आएको दाबी गरेका छन् ।

कर्णालीको सुर्खेतमा पार्टीको आमसभालाई सम्बोधन गर्दै उनले अब यसरी नै समाजसेवा गरेर राजनीतिमा आउन आफ्ना विरोधीहरूलाई चुनौतीसमेत दिएका छन् ।

‘म शुद्ध समाज सेवा र भ्रष्टाचार विरुद्धको अभियान चलाएर राजनीतिमा आएको हुँ’, उनले भने, ‘म राप्रपामा कुनै स्वार्थ धम्की र बाध्यताले नभइ राजनीतिमा भएको फोहोरी खेललाई अन्त्य गर्न आएको प्रष्ट पार्न चाहन्छु ।’

उक्त आमसभाबाट एक हजारभन्दा बढीले राप्रपामा प्रवेश गरेको बताइएको छ ।