काठमाडौं । चुनावी रणनीति बनाउन भन्दै एमालेले चैतमा तीनवटा बैडठक बोलाएको छ । चैत ७ गते पोलिटव्यूरो, चैत ९ र १० गते केन्द्रीय कमिटी तथा चैत १३ गते स्थायी कमिटी बैठक बोलाएको हो ।

मंगलबार बसेको एमालेको सचिवालय समितिको बैठकले यस्तो निर्णय गरेको प्रचार विभाग प्रमुखसमेत रहेका उपमहासचिव पृथ्वी सुब्बा गुरुङले जानकारी दिए ।

केन्द्रीय कमिटी बैठकमा अध्यक्ष केपी शर्मा ओलीले राजनीतिक प्रतिवेदन पेश गर्ने बताइएको छ ।

साथै, एमालेले स्थानीय तहको निर्वाचनमा उम्मेदवार सिफारिस र निर्णय गर्ने मापदण्ड पनि पारित गरेको छ ।

आगामी बैशाख ३० गते स्थानीय निर्वाचन हुने घोषणा सरकारले गरिसकेको छ ।