काठमाडौं । यो वर्षको युइएफए च्याम्पियन्स लिग फुटबल रोमाञ्चक बनिरहेको छ । ठूला महंगा टोली तुलानात्मक कमजोर टोलीसँग पराजित हुँदै अन्तिम १६ बाटै बाहिरिएका छन् ।

फ्रेन्च महारथी पेरिस सेन्ट जर्मेन (पिएसजी)ले यो वर्ष सबैभन्दा अप्रत्यासित नतिजा भोग्यो ।

लियोनल मेसी, नेइमार, केलियन एम्बापे, सर्जियो रामोस, एंगेल डि मारिया, जियानलुइजी डोनारुमा, अचरफ हाकिमीलगायत डेढ दर्जनभन्दा धेरै सुपरस्टार र स्टार खेलाडी पिएसजीमा छन् ।

तर, पिएजीले सोचेजस्तो प्रदर्शन भने गर्न सकेको छैन । पहिलो लेगमा स्पेनिस क्बल रियल म्याड्रिडलाई १–० गोल अन्तले पराजित गरेको पिएसजी अन्ततः दोस्रो लेगमा ३–१ ले हार ब्यहोर्यो ।

च्याम्पियन्स लिगको सबैभन्दा बलियो दाबेदार मानिएको पिएसजीका लागि यो निकै नै अप्रत्यासित नतिजा हो । पिएसजीले दोस्रो लेगको ६० मिनेसम्म पनि १ गोलको अग्रता लिएको थियो । पिएसजीले समग्रमा २ गोलको अग्रता पनि जोगाउन सकेन । अन्तिम ३० मिनेटमा ३ गोल खाँदै अन्तिम १६ बाटै बाहिरियो ।

यस्तै, सुपरस्टार क्रिस्टियानो रोनाल्डो सम्मिलित इंग्लिस टोली म्यानचेस्टर युनाइटेडले पनि अप्रत्यासित नतिजा ब्यहोरेको छ ।

घरेलु मैदानमा तुलनात्मक कमजोर स्पेनिस टोली एट्लेटिको म्याड्रिडसँग पराजित हुँदै तीन पटकको विजेता युनाइटेड अन्तिम १६ बाटै बाहिरिएको हो ।

यसैगरी, दुई पटकको विजेता युभेन्ट्स पनि स्पेनिस टोली भिल्लारियलँग समग्रमा ४–१ ले पराजित हुँदै प्रतियोगिताबाट बाहिरिएको छ ।

इटालियन महारथी युभेन्ट्स तुलनात्मक कमजोर भिल्लारिलसँग आफ्नै घरेलु मैदानमा ३–० ले पराजित हुनुलाई धेरै नै अप्रत्यासित नतिजा मानिएको छ ।

च्याम्पियन्स लिग अन्तिम ८ : स्पेनिस र इंग्लिस क्लबको वर्चश्व