काठमाडौं । आइसिसी विश्वकप लिग–२ त्रिकोणात्मक एकदिवसीय सिरिजमा युएईले नेपाललाई १६९ रनको सामान्य लक्ष्य दिएको हो । टस जितेर ब्याटिङ गरेको युएईले ४६.३ ओभरमा १० विकेट गुमाएर १६८ रन मात्रै बनाउन सकेको हो ।

नेपाली बलरसामू युएई कुनै समय ३५ रनमा ४ विकेट स्थितिमा थियो । तर रोहन मुस्तफा र सि रिजवानले युएईको लागि ५० रन बढीको पार्टनरसिप खेलेका थिए ।

युएईलाई सस्तैमा रोक्न सोमपाल कामीले चार र करण केसीले तीन विकेट लिए । सोमपालले सुरुवाती महत्वपूर्ण तीन विकेट लिएका हुन् । ढकालले डेब्युपछिका दोस्रो म्याचमा नै विकेट लिएका हुन् ।

सन्दीप लामिछाने, सागर ढकाल र दीपेन्द्रसिंह ऐरीले एकएक विकेट लिए ।