काठमाडौं । एसिया कप टि–२० क्रिकेट प्रतियोगिता भदौं ११ देखि २६ गते (२७ अगष्ट देखि ११ सेप्टेम्बर) सम्म श्रीलंकामा हुने भएको छ ।

श्रीलंकामा शनिबार बसेको एसियाली क्रिकेट परिषद् (एसिसी)को वार्षिक साधरण सभाले उक्त निर्णय गरेको हो ।

एसिसीको आयोजनामा हुने प्रतियोगितामा एसियाका ६ टोलीले सहभागिता जनाउँदैछन् । जसमा पाँच टेस्ट टोली भारत, पाकिस्तान, बंगलादेश, श्रीलंका र अफगानिस्तानले प्रतिस्पर्धा गर्ने तय भइसकेको छ ।

साथै, एउटा एसोसिएट टोली भने छनोट हुन बाँकी छ । युएई, सिंगापुर, कुवेत र हङकङमध्यै एक टोली एसिया कपको लागि छनोट हुनेछन् ।

नेपाल भने एसिया कपको दौडबाट बाहिरिइसकेको छ ।