काठमाडौं । अभिनेता राजेश हमालले नारायणी नदी सफाइ गरेका छन् । पुख्र्यौली घर नवलपरासी गएका वेला उनले सोमबार बिहान ७ बजेदेखि ९ बजेसम्म नदीको सफाइ गरेका हुन् ।

हमाल नवलपरासी पूर्वको देवचुली नगरपालिका-१७ स्थित नारायणी नदी किनारको सरसफाईमा सहभागी भएका हुन् । हमालले नदी किनारमा जम्मा भएका प्लास्टिकजन्य र दाहसंस्कार गर्दा फ्याँकिएका लुगासहितका फोहोरमैला व्यवस्थापन गरेका थिए ।

सिसवार चितवन टाइगर रिसोर्टले आयोजना गरेको सरसफाइ कार्यक्रममा राजेश हमालसहित स्थानीयहरूकाे उपस्थिति पनि थियाे । हमालले स्थानीय संस्था, व्यवस्थापन समितिहरुलाई पनि नदी किनारको नियमित सरसफाई गर्न आग्रह गरेका छन् ।