काठमाडाैं । सुनको मूल्य पुन: बढ्न थालेको छ । सोमबार बढेको सुनको मूल्य मंगलबार पनि बढेको नेपाल सुनचाँदी व्यवसायी महासंघले जनाएको छ ।

महासंघका अनुसार सोमबार तोलामा तीन सय रूपैयाँ बढेको सुनको मूल्य मंगलबार आठ सय रूपैयाँ बढेको हो । आज छापावाल सुन प्रतितोला एक लाख तीन सय रूपैयाँमा कारोबार भइरहेको छ । सोमबार छापावाल सुन तोलामा ९९ हजार पाँच सय रूपैयाँमा कारोबार भएको थियो । आइतबार छापावाल सुन तोलामा ९९ हजार २ सय रूपैयाँमा कारोबार भएको थियो ।

आज तेजावी सुनको मुल्य प्रतितोला आठ सय रूपैयाँमा कारोबार भइरहेको छ । सोमबार तेजावी सुन तोलामा ९९ हजार रूपैयाँमा कारोबार भएको थियो । सोमबार स्थिर चाँदीको मूल्य मंगलबार भने तोलामा २० रूपैयाँ बढेको छ ।

महासंघका अनुसार आज चाँदी तोलामा एक हजार तीन सय ९५ रूपैयाँमा कारोबार भइरहेको हो । सोमबार चाँदी तोलामा एक हजार ३७५ रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ ।