काठमाडौं । दाङ–सल्यान सडक खण्डमा सुख्खा पहिरो खसेको छ । पहिरोले एक्स्काभेटर पुरिएको छ भने सडक अवरुद्ध भएको छ ।

सल्यानको कपुरकोट–३ स्थित चोरखोलानजिक सडक निर्माण कार्य भइरहेका बेला मंगलबार राति सुख्खा पहिरो खसेको हो । सडक निर्माणमा प्रयोग भएको एक्स्काभेटर पुरिँदा त्यसका चालक सामान्य घाइते भएको जिल्ला प्रहरी कार्यालय, सल्यानले जनाएको छ ।

पहिरोले अहिले सवारी आवागमन ठप्प भएको छ । पहिरो हटाउने कार्य भइरहे पनि बुधबार दिउँसो मात्र सडक खुल्ने सम्भावना छ ।