काठमाडौं । नेटोका वरिष्ठ अधिकारीले न्युज एजेन्सी एपीसँग बताएअनुसार युक्रेनमा रुसी आक्रमणको एक महिनाको अवधिमा ७ हजारदेखि १५ हजारसम्म रुसी सैनिक मारिएका छन् ।

अधिकारीहरुले युद्धमा ३० हजारदेखि ४० हजारसम्म मारिएको वा घाइते हुन सक्ने दाबी गरेका छन् । रुसले २ मार्चदेखि अहिलेसम्म आक्रमणबाट कति मानवीय क्षति भयो भनेर कुनै आधिकारिक तथ्यांक सार्वजनिक गरेको छैन ।

युक्रेन पनि आफ्नो पक्षतिर भएको क्षतिबारे स्पष्ट छैन । युक्रेनी राष्ट्रपति भोलोदिमिर जेलेन्स्कीले करिब दुई साताअगाडि १ हजार ३ सय युक्रेनी सैनिक यस युद्धमा मारिएको बताएका थिए ।