काठमाडौं । शिखर इन्स्योरेन्स कम्पनीले नीर्जीवन बीमा अभिकर्ता तालिम दिने भएको छ । कम्पनीले आउँदो चैत २१ गतेदेखि २४ गतेसम्म चार दिने तालिम सञ्चालन गर्न लागेको सूचनामार्फत जानकारी गराएको हो ।

बीमा अभिकर्ता भई काम गर्न इच्छुक व्यक्तिको लागि बीमा अभिकर्ता तालिम दिन लागेको जारी सूचनामा उल्लेख छ । तालिम लिन चाहनेले चैत्र १६ गते बेलुका ५ बजेसम्म इमेलमार्फत निवेदन दिन सकिने छ । कम्पनीले उक्त तालिम भर्चूअल माध्यमबाट हुने जनाएको छ ।

अभिकर्ता तालिम लिन इच्छुकले निवेदनमा स्थायी ठेगाना, ईमेल र मोबाइल नम्बर अनिवार्य उल्लेख गर्नुपर्ने छ । त्यस्तै अभिकर्ताले तालिमका लागि निवेदनमा नागरिकताको प्रतिलिपि साथै पासपोर्ट साइजको फोटो अनिवार्य रुपमा उल्लेख गनुपर्ने छ ।

निवेदकले निवेदन इमेलमार्फत निवेदन दिनुपर्ने छ ।