काठमाडाैं । साताको अन्तिम दिन शुक्रबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ६ सय रूपैयाँ बढेर एक लाख ९०० रूपैयाँमा कारोबार भइरहेको हो ।

बिहीबार तोलामा एक हजार एक सय रूपैयाँ नै घटेर एक लाख तीन सय रूपैयाँमा कारोबार भएको थियो। बुधबार सुनको मूल्य तोलामा एक हजार एक सय रूपैयाँ घटेकोर ९९ हजार २ सय रूपैयाँमा कारोबार भएको थियो ।

त्यस्तै मंगलबार छापावाल सुनको मूल्य तोलामा आठ सय रूपैयाँ बढेर एक लाख तीन सय रूपैयाँमा कारोबार भएको थियो । सोमबार छापावाल सुन तोलामा तीन सय रूपैयाँ बढेर ९९ हजार पाँच सय रूपैयाँमा कारोबार भएको थियो । आइतबार छापावाल सुन तोलामा ९९ हजार २ सय रूपैयाँमा कारोबार भएको थियो ।

आज तेजावी सुनको मुल्य प्रतितोला एक लाख चार रूपैयाँमा कारोबार भइरहेको छ । बिहीबार चाँदी तोलामा २५ रूपैयाँ बढेको छ । महासंघका अनुसार आज चाँदी तोलामा एक हजार १ हजार ४०० रूपैयाँमा कारोबार भइरहेको हो । बिहीबार चाँदी तोलामा ३७५ रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ ।