काठमाडौं । इण्डियन प्रिमियर लिग (आइपिएल)मा राेयल च्यालेन्जर्स बैंग्लाेर (आरसिबी) २०५ रन बनाउँदा पनि पराजित भएको छ ।

गएराति भएको खेलमा  आरसिबी पञ्जाव किंग्ससँग ५ विकेटले पराजित भएको हो । पहिले ब्याटिङ गर्दै आरसिबीले २० ओभरमा २०५ रनको विशाल लक्ष्य दिएको थियो ।

विशाल लक्ष्य दिने क्रममा फाट डु प्लेसिसले ८८, विराट कोहलीले ४१ र दिनेश कार्तिकले ३२ रन बनाएका थिए ।

तर पञ्जाव किंग्सका शिखर धवन र भानुका राजपक्षले ४३/४३ रनको जोडे, मयंक अग्रवालले ३२, एम शाहरुख खानले २४ रन बनाए । ८ बलमा ओडेन स्मिथले २५ रनको आक्रामक पारी खेलेपछि आरसिबी एक ओभर अगावै पराजित हुन पुग्यो । ८ बलमा २५ रन बनाएर टिमलाई जिताउने स्मिथ प्लेयर अफ द म्याच घोषित भए ।

आज गुजरात टाइटान्स र लखनउ सुपर जायन्टबीच खेल हुँदैछ । अर्को खेलमा सनराइजर्स हैदरावाद र राजस्थान रोयल्सबीच प्रतिस्पर्धा हुँदैछ ।