रुस–युक्रेन शान्ति वार्तामा सहभागी रुसी अर्बपतिमाथि विषाक्त आक्रमणको आशंका
काठमाडौं (एजेन्सी) । रुस–युक्रेन शान्ति वार्तामा सहभागी रुसी अर्बपति रोमन अब्रामोविचमाथि विषाक्त आक्रमण भएको आशंका गरिएको छ । सोही बैठकमा सहभागी युक्रेनी वार्ता टोलीका दुई सदस्यलाई पनि रोमनलाई जस्तै समस्या देखिएको छ ।
मार्चको सुरुमा युक्रेन–बेलारुसको सीमामा भएको शान्ति वार्तामा रोमनलगायतमाथि त्यस्तो विषाक्त आक्रमण भएको हुनसक्ने अन्तर्राष्ट्रिय सञ्चारमाध्यमले जनाएका छन् ।
बिबिसीका अनुसार, त्यो बैठकमा सहभागितापछि रोमनको आँखा सुन्निनुका साथै छालाको रंग पहेँलो भएको थियो । तथापि, उनको अवस्था अहिले सुधारोन्मुख रहेको बताइएको छ ।
वार्ता विफल पार्न चाहने रुसी हार्डलाइनरको संलग्नतामा यस्तो घटना भएको एउटा रिपोर्ट सार्वजनिक भएको छ । तर रुसका एक अधिकारीले नाम उल्लेख नगर्ने सर्तमा समाचार संस्था रोयटर्सलाई आरोप खण्डन गरेका छन् । त्यस्तो लक्षण वातावरणीय प्रभावका कारण देखिएको हुनसक्ने उनको तर्क छ ।
युक्रेनी राष्ट्रपतिको कार्यालयले पनि विषाक्त आरोपको खण्डन गरेको छ ।
ताजा अपडेट
-
कोशीको राजनीतिमा रोचक दृश्य: एकातिर मुद्दा, अर्कातिर सत्ता
-
विश्वकप त्रिकेटः नेपालको समूहमा रहेको श्रीलंकाद्वारा टोली घोषणा
-
ललितपुरमा भएको दुर्घटनामा बालिकाको मृत्यु
-
मन्त्रिपरिषद् बैठकः एआइजीको बढुवा, समाज कल्याणमा नियुक्ति
-
कस्तो हुनुपर्छ शैक्षिक र व्यवसायिक अन्तरसम्बन्धको मोडल ?
प्रतिक्रिया