NepalWatch

News Portal For Eeverything In Nepal from Nepal

२०८१ वैशाख ७ गते

सुनको मूल्य १३०० रूपैयाँ घट्यो

काठमाडाैं । मंगलबार सुनको मूल्य घटेको छ । नेपाल सुनचाँदी व्यवसायी महासंघका अनुसार मंगलबार छापावाल सुन तोलामा एक हजार तीन सय रूपैयाँ घटेर ९९ हजार दुई सय रूपैयाँमा कारोबार भइरहेको हो ।

सोमबार छापावाल सुन तोलामा एक लाख पाँच सय रूपैयाँमा कारोबार भएको थियो । महासंघका अनुसार मंगलबार तेजावी सुन तोलामा ९८ हजार सात सय रूपैयाँमा कारोबार भइरहेको छ । त्यस्तै आज चाँदी तोलामा १० रूपैयाँ घटेको छ ।

महासंघका अनुसार आज चाँदी एक हजार ३७० रूपैयाँमा कारोबार भइरहेको हो । सोमबार चाँदी तोलामा एक हजार एक सय ८० रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ ।