काठमाडाैं । मंगलबार घटेको सुनको मूल्य बुधबार पनि घटेको छ । नेपाल सुनचाँदी व्यवसायी महासंघका अनुसार मंगलबार छापावाल सुन तोलामा एक हजार तीन सय रूपैयाँ घटेको सुनको मूल्य बुधबार चार सय रूपैयाँ घटेको हो ।

महासंघका अनुसार मंगलबार तोलामा ९९ हजार दुई सय रूपैयाँमा कारोबार भएको छापावाल सुन आज ९८ हजार ८ सय रूपैयाँमा कारोबार भइरहेको हो ।

आज तेजावी सुन तोलामा ९८ हजार तीन सय रूपैयाँमा कारोबार भइरहेको छ । मंगलबार तेजावी सुनको मूल्य तोलामा ९८ हजार सात सय रूपैयाँ कायम गरिएको थियो।

त्यस्तै आज चाँदी तोलामा १० रूपैयाँ घटेको छ । महासंघका अनुसार आज चाँदी एक हजार ३६० रूपैयाँमा कारोबार भइरहेको हो । बुधबार चाँदी तोलामा एक हजार एक सय ७० रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ ।