काठमाडौं । सहमतिमा यौन सम्बन्ध राखेर बलात्कारको आरोप लगाउने एक किशोरीलाई जेल सजायको फैसला सुनाइएको छ ।

आफूमाथि बलात्कार भएको भन्दै उजुरी दिएकी एक किशोरीलाई जिल्ला अदालत, अछामले साढे तीन वर्ष जेल सजाय सुनाइएको हो ।

जिल्ला न्यायाधीश नवीनकुमार जोशीको इजलासले यस्तो फैसला गरेको हो ।

अछाम कमलबजार नगरपालिकाकी १९ वर्षीया किशोरीले गत माघ १७ गते प्रहरीसमक्ष उजुरी दिएकी थिइन् ।

माघ १५ गते विवाह गर्न माग्न आएको पुरुषले आफूमाथि बलात्कार गरेको भन्दै ती किशोरीले उजुरी दिएकी हुन् ।

तर, अनुसधानपछि उनीहरूबीच सहमतिमा यौन सम्पर्क भएको पुष्टि भएको छ । त्यसपछि ती पुरुषले सफाइ पाएका छन् ।