काठमाडाैं । लगातार घटेको सुनको मूल्य बिहीबार सामान्य बढेको छ । बिहीबार सुनको मूल्य तोलामा एक सय रूपैयाँ बढेर ९८ हजार ९ सय रूपैयाँमा कारोबार भइरहेको छ ।

नेपाल सुनचाँदी व्यवसायी महासंघका बुधबार छापावाल सुन तोलामा ९८ हजार ८ सय रूपैयाँमा कारोबार भएको थियो । आज तेजावी सुन तोलामा ९८ हजार चार सय रूपैयाँमा कारोबार भइरहेको छ । बुधबार तेजावी सुनको मूल्य तोलामा ९८ हजार तीन सय रूपैयाँमा कारोबार भएको थियो ।

त्यस्तै आज चाँदी तोलामा १० रूपैयाँ घटेको छ । महासंघका अनुसार आज चाँदी एक हजार तीन सय पचास रूपैयाँमा कारोबार भइरहेको हो । बुधबार छापावाल सुन तोलामा एक हजार ३६० रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ ।