काठमाडाैं । बिहीबार बढेको सुनको मूल्य साताको अन्तिम दिन शुक्रबार पनि बढेको छ । नेपाल सुनचाँदी व्यवसायी महासंघका अनुसार शुक्रबार सुनको मूल्य प्रतितोला ८ सय रूपैयाँ बढेर ९९ हजार ७ सय रूपैयाँमा कारोबार भइरहेको हो ।

बिहीबार छापावाल सुन प्रतितोला ९८ हजार ९ सय रूपैयाँमा कारोबार भएको थियो । आज तेजावी सुन तोलामा ९९ हजार २ सय रूपैयाँमा कारोबार भइरहेको छ । बिहीबार तेजावी सुनको मूल्य प्रतितोला ९८ हजार चार सय रूपैयाँ कायम गरिएको थियो ।

त्यस्तै आज चाँदी तोलामा १० रूपैयाँ बढेको छ । महासंघका अनुसार आज चाँदी तोलामा एक हजार तीन सय ६० रूपैयाँमा कारोबार भइरहेको छ । बिहीबार चाँदी तोलामा एक हजार तीन सय पचास रूपैयाँमा कारोबार भएको थियो ।

अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा महासंघले दैनिक कारोबार मूल्य तोक्दै आएको छ ।