NepalWatch

News Portal For Eeverything In Nepal from Nepal

२०८१ असार ३० गते

तीन दिने भ्रमणका लागि प्रधानमन्त्री देउवा भारत प्रस्थान

काठमाडौं । प्रधानमन्त्री शेरबहादुर देउवा तीन दिने भ्रमणका लागि भारत प्रस्थान गरेका छन् । भारतीय प्रधानमन्त्री नरेन्द्र मोदीको निमन्त्रणमा देउवा भारततर्फ लागेका हुन् ।

देउवालाई बिदाइ गर्न सभामुख अग्नि सापकोटा, गृहमन्त्री बालकृष्ण खाण, परराष्ट्रमन्त्री नारायण खड्कासहितका मन्त्री त्रिभुवन अन्तर्राष्ट्रिय विमानस्थल पुगेका थिए ।

प्रधानमन्त्री देउवाले भारतमा समकक्षी मोदी, भाजापाकासहित दलका नेतासँग भेट गर्ने कार्यक्रम छ । साथै, जनकपुरमा तयारीअवस्थामा रहेको रेलको समेत दुई प्रधानमन्त्रीले भर्चुअल माध्यमबाट संयुक्त रुपमा उद्घाटन पनि गर्नेछन् ।

देउवाले आज भारतीय विदेशमन्त्री एस जयशंकरसँग भेट गर्नेछन् । सुरक्षा सल्लाहकार अजित डोभालसँग पनि आजै भेट हुँदैछ । समकक्षी मोदीसँग शनिबार भेटघाट हुँदैछ । नेपाल–भारतको दुईपक्षीय भेटघाटपछि केही सम्झौतामा हस्ताक्षर हुनेछ ।

देउवाको आइतबार स्वदेश फर्किने कार्यक्रम छ ।