काठमाडाैं । धितोपत्र बजारमा आज नेप्से दोहोरो अंकले घटेको छ । आइतबार नेप्से ३०.८९ अंकले घटेर २५१३.४१ मा झरेको छ ।

नेपाल स्टक एक्सचेञ्ज (नेप्से) का अनुसार परिसूचकका साथै कारोबार रकमसमेत घटेको छ । आज २२५ कम्पनीको ३२ लाख ५३ हजार ८१६ कित्ता सेयर खरिदबिक्री हुँदा एक अर्ब ४६ करोड सात लाख ७३ हजार ७२९ रूपैयाँ बराबरको कारोबार भएको छ । यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक ६.४४३ अंकले ओरालो लाग्दै ४५९.०३ मा आएको छ ।

सामूहिक लगानी कोषबाहेक सबै उपसमूहका सेयर मूल्यमा गिरावट

नेप्सेका अनुसार आज कारोबार भएका १३ वटै उपसमूहका म्युचल फण्डबाहेक सबैकत्र शेयर मूल्य घटेका छन् । आज बैंकिङ ०.५१, व्यापार १.१९ होटल तथा पर्यटन ०.७७, विकास बैंक १.२७, जलविद्युत् १.३१, वित्त १.५१, निर्जीवन बीमा १.४३, उत्पादन ०.८४, अन्य ०.१३, लघुवित्त १.३७, जीवन बीमा १.५२, र लगानी १.४२ अंकले ओरालो लागेका छन् ।

सामूहिक लगानी कोष ० अंकले बढेको छ ।