काठमाडौं । नेकपा एकीकृत समाजवादीका अध्यक्ष माधव नेपालको चुनावी क्षेत्रबाट गत स्थानीय तहमा कांग्रेसबाट वडाअध्यक्ष जितेकासहित दर्जनौं कार्यकर्ता एमाले प्रवेश गरेका छन् ।

गत चुनावमा कागेश्वर मनोहरा ७ बाट वडा अध्यक्ष जितेका जीवन थापासहितका नेता कार्यकर्ता एमालेमा प्रवेश गरेका हुन् ।

एमाले वाग्मती प्रदेशसभा सदस्य रामेश्वर फुयाँलले थापासहितका दर्जनौं नेकपा एस र कांग्रेससहितका दलका दर्जनौं कार्यकर्तालाई एमाले प्रवेश गराएका हुन् ।

आगामी निर्वाचनमा कांग्रेस, नेकपा एस, माओवादीसहितका दल मिलेर चुनावी गठबन्धन बनाउने तयारी भइरहेका बेला दर्जनौं नेता कार्यकर्ता एमालेमा प्रवेश गरेका हु्न् ।