काठमाडौं । विद्यालय जाँदै गरेकी एक छात्राको बाटैमा हत्या भएको छ । उदयपुरको बेलका नगरपालिका–३ मा एक छात्राको हत्या भएको हो ।

कोशी जनता माध्यमिक विद्यालय रामपुरमा कक्षा १० मा अध्ययनरत कविता सुनुवारको यसोदा खोलामा हत्या भएको विद्यालयका प्रधानाध्यापक सूर्यनारायण साह र विद्यालय व्यवस्थापन समितिका अध्यक्ष गणेश बस्नेतले आज एक संयुक्त विज्ञप्ति जारी गर्दै जनाएका छन् ।

‘उनी विद्यालय आउने क्रममा बाटोमै क्रुर र हिंस्रक ढंगले हत्या भएको छ । यस किसिमका घटना बलका नगरको सुरक्षा संवेदनशीलतामा प्रश्न उठाएको छ’, विज्ञप्तिमा भनिएको छ ।

उनीहरूले घटनाको निष्पक्ष छानबिन गरी अपराधी पत्ता लगाउन र कडा सजाय दिन मागसमेत गरेका छन् ।